آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

40 سال سے سرخ رنگ پہننے والی خاتون

بوسنیا کے ایک گاؤں سے تعلق رکھنے والی سرخ رنگ کی شیدائی خاتون سامنے آئی ہیں جو گزشتہ 40 برس سے سرخ لباس ہی پہنتی ہیں۔

سرخ رنگ کی شیدائی اس خاتون کا نام زوریکا ریبرنگ ہے۔

40 سال سے سرخ رنگ پہننے والی خاتون


ان کی سرخ رنگ سے محبت کا اندازہ اس بات سے لگایا جا سکتا ہے کہ ان کے بالوں سمیت ان کے گھر کی ہر شے سرخ رنگ کی ہے۔

وہ زندگی بھر سرخ رنگت میں رہنا پسند کرتی ہیں، یہاں تک کہ انہوں نے اپنی قبر کا کتبہ بھی سرخ بنوایا ہے اور اس پر اپنی تصویر بھی لگائی ہے۔

67 سالہ زوریکا کو لال رنگ کی محبت  نے شمالی بوسنیا کے شہر تزلا کے مقامی گاؤں کی ایک مشہور شخصیت بنادیا ہے۔

غیر ملکی میڈیا رپورٹس کے مطابق جب وہ اٹھارہ سال کی تھیں تب انہیں سرخ رنگ اپنانے کا خیال آیا یہ رنگ اپنائے اب تک انہیں چالیس برس بیت چکےہیں۔

زوریکا کہتی ہیں کہ انہیں لال رنگ سے قوت ملتی ہے اور اسی وجہ سے صحت بھی اچھی رہتی ہے، اس کے علاوہ وہ کسی کے مرنے پر بھی سرخ رنگ ہی زیب تن کرکے جاتی ہیں۔

زوریکا کا کہنا ہے کہ میرے گاؤں میں مجھے ہر کوئی جانتا ہے، لوگ مجھے مختلف سرخ چیزیں پیش کرتے ہیں۔

انہوں نے مزید کہا کہ اگر کوئی انہیں کسی دوسرے رنگ کا تحفہ دیتا ہے تو وہ مسترد کردیتی ہیں چاہے وہ کتنا ہی قیمتی کیوں نہ ہو۔

دلچسپ و عجیب سے مزید
خاص رپورٹ سے مزید