• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی پولیس کو مطلوب مرشد گینگ کا اہم رکن گرفتار

میرا شہر
اسلام آباد
04 نومبر ، 2019
راولپنڈی( سٹاف رپورٹر )راولپنڈی پولیس کو مطلوب ’’مرشد‘‘ گینگ کے اہم رکن کوگرفتار کرلیاگیا۔ایس پی صدر رائے مظہر اقبال نے بتایا کہ ’’مرشد گینگ‘‘ علاقہ میں قانون شکنیوں کے حوالے سے ایک بدنام پوزیشن حاصل کر چکا تھا، اس گینگ کے ارکان بدترین معاشرتی بداخلاقی پر مبنی سرگرمیوں میں ملوث تھے تعلیمی اداروں کے باہر بچے بچیوں سے چھیڑ چھاڑکرنے اور پھر بداخلاقی پر مبنی وڈیوز اور تصاویر بنا کر اسے سوشل میڈیا پر اپ لوڈ کر کے اپنا معاشرے پر اپنا سکہ بٹھانے کی ناکام کوشش کرنا اس گینگ کا وطیرہ تھا۔ تھانہ جاتلی کے ایس ایچ او ریاض باجوہ نے مرشد گینگکے اہم رکن کاشف کو گرفتار کر کے اس سے بھاری مقدار میں ناجائز اسلحہ بر آمد کرلیا،ایس پی نے بتایا کہ گرفتار ملزم کا کہنا ہے کہ گینگ کا نام ’’مرشد‘‘ اس لئے رکھا گیا کہ گینگ کا سرغنہ خود کو ’’مرشد‘‘ کہتا تھا اور اس نے سوشل میڈیا پر گینگ کی قانون شکنیوں پر مبنی جو پوسٹیں اپ لوڈ کیں اس میں تقاضا کیا جاتا کہ کمنٹس بھی مرشد کے عنوان سے ہی کئے جائیں ۔
تازہ ترین