بلوچستان، خضدار اور گرد و نواح میں زلزلے کے جھٹکے

بلوچستان کے ضلع خضدار اور اس کے گردونواح میں زلزلے کے جھٹکے محسوس کیے گئے ہیں۔

زلزلہ پیما مرکز کے مطابق خضدار میں زلزلےکی شدت ریکٹر اسکیل پر 3 اعشاریہ 4 ریکارڈ کی گئی ہے جبکہ زلزلےکی گہرائی زیر زمین 16 کلو میٹر ریکارڈ کی گئی ہے۔

زلزلہ پیما مرکز کا کہنا ہے کہ زلزلے کا مرکز خضدار سے 155 کلو میٹر مشرق میں تھا۔

ذرائع کے مطابق زلزلے کے نتیجے میں اب تک کوئی جانی و مالی نقصان نہیں ہوا۔