سعودی عرب میں میوزیکل کنسرٹ پر حملہ، 3 افراد زخمی

سعودی عرب میں ایک چاقو بردار شخص نے اسٹیج پر فن کا مظاہرہ کرنے والے فنکاروں پر قاتلانہ حملہ کردیا جس کے نتیجے میں خاتون فنکارہ سمیت دو فنکار زخمی ہوگئے۔

سعودی عرب کے دارالحکومت ریاض میں ہونے والے ثقافتی فیسٹیول میں ایک پرفارمنس کے دوران یمنی شخص نے فنکاروں پر چاقو سے حملہ کردیا۔

حملہ آور شخص کو سیکورٹی اہلکاروں نے حراست میں لے لیا ہے، حملہ آور 33 سالہ یمنی شخص تھا جس سے تفتیشی عمل جاری ہے۔

حملے کا شکار ہونے والے تینوں فنکاروں کی حالت اب خطرے سے باہر ہے۔

واضح رہے کہ ریاض سیزن نامی یہ میلہ رواں برس دسمبر کے وسط تک جاری رہے گا اور اس میں متعدد عرب فنکاروں سمیت مغربی ممالک کے فنکاروں کی جانب سے بھی پرفارمنس کیے جانے کا امکان ہے۔