آپ آف لائن ہیں
جنگ ای پیپر
ہفتہ9؍ربیع الثانی1441ھ 7؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

اکشے کمار بڑے پروجیکٹس کی بجائے کمٹمنٹ کو ترجیح دیتے ہیں، کرن جوہر

ممبئی (مانیٹرنگ ڈیسک)بولی وڈ اداکار اور فلمساز کرن جوہر کا کہنا ہے کہ ’اکشے کمار بولی وڈ کے ان چند گنے چنے اداکاروں میں سے ہیں جو کہ بڑے پروجیکٹ یا بڑے ڈائریکٹر کے بجائے کنٹنٹ کو ترجیح دیتے ہیں۔‘ایکشن ڈرامہ جیسے ’برادرز‘ اور ’کیسری‘ میں ساتھ کام کرنے بعد کرن جوہر اور اکشے کمار بولی وڈ کی آنے والی ہلکی پھلکی فلم ’گڈ نیوز‘ میں ساتھ کام کر رہے ہیں۔کرن جوہر ’گڈ نیوز‘ کے ٹریلر کی لانچنگ کے موقع پر میڈیا سے گفتگو کر رہے تھے۔ ’گڈ نیوز‘ کی ڈائریکشن راج مہتا نے دی ہے اور یہ بطور ڈائریکٹر ان کی پہلی فلم ہے۔ فلم میں کرینا کپور، دلجیت دوسانج اور کیارا ایڈوانی نے بھی اپنی اداکاری کے جوہر دکھائے ہیں۔ پروڈیوسر کرن جوہر کا کہنا تھا کہ ’ابتدا میں ان کا منصوبہ اکشے کے ساتھ بڑے بجٹ کی فلم کا تھا تاہم اکشے نے بڑے بجٹ کی فلم پر اس کامیڈی فلم کو ترجیح دیں۔کرن جوہر نے مزید کہا کہ میں اکشے کے پاس ایک بڑی فلم لے کر گیا کیونکہ وہ میگاا سٹار ہے۔ تاہم ان کی انفرادیت یہ ہے وہ ہمیشہ کنٹینٹ کو ترجیح دیتا ہیں۔ وہ یہ نہیں دیکھتا کہ فلم کتنی بڑی ہے یا اس کا ڈائریکٹر کون ہے۔‘کرن جوہر کا کہنا تھا کہ اکشے ان سپرا سٹارز میں سے ہیں جو کہ نئے ڈائریکٹرز کو سپورٹ کرتے ہیں۔ان کے مطابق ’گڈ نیوز‘ اکشے کمار کی 23 ویں ایسی فلم جس کے

ڈائریکٹر پہلی مرتبہ فلم ڈائریکٹ کر رہا ہے۔ ’اکشے واحد سپر سٹار ہیں جنہوں نے اتنے سارے نئے ڈائریکٹرز کے ساتھ ان کی پہلی فلم میں کام کیا ہے۔اس موقع پر اکشے نے کرن جوہر کے ساتھ اپنی گفتگو کو یاد کرتے ہوئے بتایا کہ ’جب کرن نے بڑے بجٹ کی فلم لے کر ان کے پاس آئے تو انہوں نے کرن سے پوچھا کہ وہ اور کونسی فلم بنا رہے ہیں؟‘’انہوں نے مجھے بتایا کہ میں ایک چھوٹی سی فلم ’گڈ نیوز‘ بنا رہا ہوں۔ میں نے ان سے کہا کہ اس فلم کی کہانی مجھے بتائیے۔ کہانی سننے کے بعد میں نے ان سے کہا کہ دوسری فلم کو ڈراپ کرتے ہیں اور گڈ نیوز بناتے ہیں۔فلم ’گڈ نیوز‘ رواں برس 27 دسمبر کو سنیما گھروں میں ریلیز ہو گی۔

دل لگی سے مزید