آپ آف لائن ہیں
جمعرات10؍ذیقعد 1441ھ2؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نسیم شاہ نے آسٹریلیا میں تاریخ رقم کردی

پاکستان کے نوجوان فاسٹ بولر نسیم شاہ آسٹریلوی سرزمین پر ٹیسٹ ڈیبیو کرنے والے دنیا کے سب سے کم عمر کھلاڑی بن گئے ہیں۔


16 سال 279 دن کے‎ نوجوان فاسٹ بولر نسیم شاہ نے آسٹریلوی سرزمین پر اپنا ٹیسٹ ڈیبیو کیا ہے ، اس سے قبل یہ اعزاز آسٹریلیا کے آئین کریگ کے پاس تھا۔

برسبین میں نسیم شاہ کو پاکستان کے بولنگ کوچ وقار یونس نے ٹیسٹ کیپ پہنائی، اس موقع پر نسیم شاہ اپنے جذبات پر قابو نہ رکھ سکے اور ان کی آنکھوں میں آنسو آگئے تھے۔

نسیم شاہ سے قبل آسٹریلوی کھلاڑی آئین کریگ نے 17 سال 239 دن کی عمر میں آسٹریلوی سرزمین پر ڈبیو کیا تھا۔

پاکستان کی جانب ‎ نسیم شاہ سے قبل عاقب جاوید نے 17 سال 160 دن کی عمرمیں میلبرن ٹیسٹ کھیلا تھا۔

فاسٹ بولر ‎ نسیم شاہ اپنی 17 ویں سالگرہ سے قبل ٹیسٹ ڈیبیو کرنے والے پاکستان کے ساتویں کھلاڑی ہیں۔

واضح رہے کہ پرتھ میں ٹور میچ کے دوران نسیم شاہ کی والدہ پاکستان میں انتقال کر گئی تھیں، اس موقع پر نسیم نے اپنے جذبات پر قابو رکھتے ہوئے ٹور میچ میں حصہ لیا اور شاندار بولنگ سے مخالف ٹیم کے بیٹسمینوں پر اپنی دھاک بٹھائی۔

کھیلوں کی خبریں سے مزید