فرمان الہی
نماز کے اوقات
مسلم لیگ ن کی ترجمان مریم اورنگزیب نے کہا ہے کہ حمزہ شہباز کی سیاسی انتقام میں قید کو 6 ماہ ہونے والے ہیں۔
مریم اورنگزیب نے ایک بیان میں کہاکہ ریاست مدینہ کے دعوے داروں نے بغیر کسی جرم کے حمزہ شہباز کو قید کررکھا ہے۔
انہوں نے کہاکہ حمزہ شہباز کے خلاف نیب کوئی الزام، ٹھوس ثبوت، اور شواہد پیش نہیں کرسکا۔
ن لیگی ترجمان نے مزید کہاکہ سابق وزیراعظمشاہد خاقان عباسی، رانا ثناء اللہ، سعد رفیق اور سلمان رفیق ضمیر کے قیدی ہیں۔
ان کا کہنا تھاکہ حمزہ شہباز، مفتاح اسماعیل ضمیر کے قیدی ہیں، حمزہ شہباز پہلے بھی مشرف کی آمریت کا بہادری سے مقابلہ کرچکے ہیں ۔
مریم اورنگزیب نے یہ بھی کہاکہ نالائق وزیراعظم اور نیب نے مل کر پاکستان کی بدنامی کرائی اور ملکی معیشت کو تباہ کیا ۔
