• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خان شہید کی 46ویں برسی کی مناسبت سے مرکزی جلسہ ریلوے ہاکی گراؤنڈ میں ہوگا،پشتونخوامیپ

میرا شہر
کوئٹہ
29 نومبر ، 2019
کوئٹہ( پ ر) پشتونخواملی عوامی پارٹی کے مرکزی پریس ریلیز میں کہا گیا ہے کہ برصغیر پاک وہند اور پشتونخوا وطن کی آزادی کے صف اول کے رہنماء خان شہید عبدالصمد خان اچکزئی کی 46ویں برسی کی مناسبت سے مرکزی جلسہ عام ریلوے ہاکی گراؤنڈ کوئٹہ میں منعقد ہوگا۔ جلسہ عام سے پشتونخوامیپ کے چیئرمین ملی مشر محمود خان اچکزئی اور جمعیت علماء اسلام کے مرکزی امیرمولانا فضل الرحمن خطاب فرمائینگے۔ بیان میں کہا گیا ہے کہ خان شہید عبدالصمد خان اچکزئی کی 46ویں برسی کا مرکزی جلسہ عام جو ایوب اسٹیڈیم کوئٹہ میں منعقد ہوناتھا لیکن اسٹیڈیم میں تعمیراتی کام کے باعث جگہ کی تبدیلی کردی گئی ہے اب مرکزی جلسہ عام ریلوے ہاکی گراؤنڈ کوئٹہ میں منعقد ہوگا۔بیان میں کوئٹہ کے غیور شہریوں ، بہی خواہوں اورتمام وطن دوست ، جمہوریت پسند عوام سے جلسہ میں شرکت کی اپیل کی گئی ہے ۔ اور پارٹی کارکنوں کو ہدایت کی گئی ہے کہ وہ اپنے منعقدہ اجلاسوں ،اولسی جرگوں اورعوامی رابطہ مہم کے ذریعے عوام کومرکزی جلسہ عام بمقام ریلوے ہاکی گراؤنڈ کوئٹہ کے انعقاد سے آگاہ فرمائیں اور جلسے کی کامیابی کیلئے اپنی تمام تر صلاحیتوں کو بروئے کار لائیں۔
تازہ ترین