فرمان الہی
نماز کے اوقات
جہلم(جنگ نیوز‘ایجنسیاں)وفاقی وزیر سائنس و ٹیکنالوجی فواد چوہدری نے کہا ہے کہ سابق صدر پرویز مشرف ہمارے محسن ہیں‘انہوں نے نوازشریف سے ہماری جان چھڑائی‘ان کےخلاف مقدمہ آرٹیکل 4کی خلاف ورزی ہے، مشرف طاقت میں تھے تو لوگ لائن لگا کر ان کا سگار سلگانے کھڑے ہوتے تھے۔جہلم میں تقریب سے خطاب اورمیڈیاسے بات چیت میں وفاقی وزیر برائے سائنس و ٹیکنالوجی فواد چوہدری کا کہنا تھا کہ پرویز مشرف نے 1999 میں نواز شریف سے ہماری جان چھڑائی تھی، وہ ہمارے محسن ہیں‘پرویز مشرف طاقت میں تھے تو لوگ لائن لگا کر ان کا سگار سلگانے کھڑے ہوتے تھے‘ مشرف کو سزا دینی ہے تو جو لوگ ان کے ساتھ تھے‘ان سب کو بھی سزا ملنی چاہئے۔وفاقی وزیرکاکہناتھا کہ آرمی چیف کی توسیع پر تمام سیاسی جماعتوں میں اتفاق رائے ہے اور آئندہ سیشن میں آرمی چیف کی توسیع پر قانوں سازی مکمل ہوجائیگی۔فواد چوہدری نے کہا کہ نواز شریف کی واپسی کی امید ان کے خاندان والوں کو بھی نہیں ہے۔ادھرایک ٹویٹ میں وفاقی وزیرفواد چوہدری نے کہاوزیراعظم کی بھرپور سپورٹ سے ہم پاکستان کو ریسرچ اور ٹیکنالوجی کی دنیا میں واپس لائے ہیں‘اس سال سائنس اور ٹیکنالوجی کے بجٹ میں600گنا اضافہ ہوا ہے‘ اگلے سال بجٹ میں ہزار گنا اضافے کی کوشش کروں گا۔
