راولپنڈی .....راولپنڈی کے فائیو اسٹار ہوٹل میں آگ لگ گئی ہے ،جس کے باعث پانچ منزلہ عمارت میں کئی افراد پھنس گئے ہیں،تیسری منزل میں لگنے والی آگ نے چوتھی اور پانچویں منزل کو لپیٹ میں لے لیاہے۔
ریسکیوذرائع کے مطابق مال روڈ راولپنڈی پر واقعے ہوٹل میں آگ کی اطلاع پر فائربریگیڈ کی 3گاڑیاں جائے وقوعہ پر پہنچ گئی ہیں،تین منزلوں تک پھیلی آگ کو بجھانے کیلئے فائر فائٹرز نے کام شروع کردیا ہے۔
عینی شاہد اور نمائندہ جنگ فراز امتیاز کے مطابق شدید نوعیت کی آگ کے باعث ہوٹل میں دھواں بھر گیا ہے،کئی لوگ ہوٹل کی کھڑیوں سے لٹک کر مدد کیلئے پکار رہے ہیں تاہم ان کے بچائو کیلئے لگائی گئی سیڑھیاں صرف تیسری منزل تک پہنچ پائی ہے،جہاں سے پھنسے ہوئے افراد کو نکالنے کی کوشش کی جارہی ہے،خواتین اور بچوں سمیت کئی افراد تاحال ہوٹل میں موجود ہیں۔
فرمان الہی
نماز کے اوقات
