آپ آف لائن ہیں
ہفتہ24؍ذی الحج 1441ھ15؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیرِاعظم کی فیاض چوہان کی حوصلہ افزائی

وزیراعظم عمران خان کی فیاض چوہان کی حوصلہ افزائی





وزیراعظم عمران خان نے صوبائی وزیراطلاعات پنجاب فیاض الحسن چوہان پر وکلاء کی جانب سے کیے گئے حملے کے دوران فیاض چوہان کے حوصلے کو سراہا ہے۔

وزیراعظم عمران خان نے فیاض الحسن چوہان کو ٹیلی فون کیا ہے اور گزشتہ روز کے واقعے پرصوبائی وزیر کے حوصلے کو سراہا ہے، وزیراعظم عمران خان کا کہنا ہے کہ فیاض الحسن چوہان نے بر وقت پہنچ کر اپنا فرض ادا کیا ہے، اس سے حوصلے پست نہیں ہونے چا ہئیں۔

یہ بھی پڑھیے: وکلاء نے لائیو ویڈیو میں ڈاکٹروں کو دھمکیاں دیں

دوسری جانب فیاض الحسن چوہان نے ایک بیان میں کہا کہ ملک دشمن طاقتوں نے واقعے کوسانحہ ماڈل ٹاؤن جیسی صورتحال بنانے کی کوشش کی گئی۔

انہوں نے کہا کہ سوشل میڈیا نےان عناصر کو بے نقاب کیا جن کا تعلق بیگم صفدر اعوان اور حمزہ شہباز سے ہے، بزدارحکومت نے صورتحال کو مزید خراب ہونے سے بچا لیا۔

واضح رہے کہ گزشتہ روز لاہور کے پنجاب انسٹیٹیوٹ آف کارڈیالوجی میں مشتعل وکلاء کی جانب سے حملہ کر کے اسپتال کو میدانِ جنگ بنا دیا گیا تھا، مشتعل وکلاء نے وزیرِ اطلاعات پنجاب فیاض چوہان پر بھی تشدد کیا تھا اور انہیں بالوں سے پکڑ لیا تھا۔

قومی خبریں سے مزید