• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر کی برسی، بلاول کل لیاقت باغ میں جلسے سے خطاب کرینگے

آج کا اخبار
اہم خبریں
26 دسمبر ، 2019
اسلام آباد(اے این این،نمائندہ جنگ)سابق وزیر اعظم محترمہ بے نظیر بھٹو کی برسی کل ملک بھر میں عقیدت و احترام کیساتھ منائی جائیگی، اس سلسلہ میں سب سے بڑی تقریب لیاقت باغ راولپنڈی میں منعقد ہوگی ، جس سے چیئرمین بلاول زرداری ،آصف علی زرداری سمیت مرکزی قائدین خطاب کرینگے،پاکستان پیپلز پارٹی کے رہنمائوں نفیسہ شاہ،سعید غنی اور پلوشہ خان نے کہا ہے کہ بلاول کے پنڈی آنے سےسلیکٹڈ حکومت ڈر اور خوف کا شکا ہو چکی ،راولپنڈی کی پدی کی سیاست نالا ئقی میں ڈوبنے والی ہے،سلیکٹڈ حکومت اور کٹھ پتلی نیب کی اوقات یہ رہ گئی ہے کہ فردوس بیگم اور شیدے ٹلی ہمیں چھپ کر دھمکیاں دے رہے ہیں،گزشتہ روز لیاقت باغ میں میڈیا سے گفتگو کرتے ہوئے پیپلز پارٹی کی مرکزی سیکرٹری اطلاعات نفیسہ شاہ نے کہا کہ شہید ذوالفقار علی بھٹو کے فلسفے سے عشق کرنے والے لیاقت باغ کی طرف رواں دواں ہیں، کوئی دھرنا یا لاک ڈاؤن نہیں کر رہے عوام کی بات کرنے اور اپنے منشور کو آگے بڑھانے کے لئے جلسہ کیا جا رہاہے۔
تازہ ترین