• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر بھٹو کی12ویں برسی،قافلوں کی روالپنڈی روانگی شروع

میرا شہر
ملتان
26 دسمبر ، 2019
ملتان (سٹاف رپورٹر) شہید جمہوریت بے نظیر بھٹو کی 12 ویں برسی میں شرکت کے لئے دیگر شہروں کی طرح ملتان سے بھی کارکنوں کے قافلوں کی روالپنڈی روانگی کا سلسلہ شروع ہوگیا ہے، 27 دسمبر کو بے نظیر بھٹو کی برسی کی تقریب ان کی جائے شہادت لیاقت باغ راو لپنڈی میں منائی جارہی ہے ،آصف زرداری رہائی کمیٹی کی جانب سے قافلہ ملتان ریلوے سٹیشن سے روانہ ہوا ،جس کی قیادت نذیر کاٹھیا،ظفر اقبال اعوان نے کی جسے مرکزی چیف آرگنائزر سلیم الرحمنٰ میونے روانہ ،دریں اثناء جیالے نذیر کاٹھیا نے جلسے میں شرکت کے لئے انوکھا انداز اپنایا انہوں نے پارٹی پرچم والے لباس اور روائیتی پگڑی باندھے ہاتھ میں گنڈاسہ پکڑے روانہ ہوئے اور اسٹیشن پر شیخ رشید کو انتباہ کیا کہ بلاول کا کھڑاک ہو گا،دریں اثناءپیپلزپارٹی شعبہ خواتین جنوبی پنجاب کی سیکرٹری اطلاعات شہناز لودھی نے کہا ہے کہ 27دسمبر لیاقت آباد جلسہ میں رکاوٹیں ڈال کر حکومت آمرانہ رویہ اختیار کئے ہوئے ہے پی پی نے تاریخ میں آمروں کا بھرپور مقابلہ کیا ہے، سلیکٹڈ حکومت جو چاہے کرلے نئے سال کا سورج تبدیلیاں لے کر طلوع ہوگا اور عوام جلد سلیکٹڈ حکمرانوں سے نجات پائیں گے۔
تازہ ترین