• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر بھٹو کی برسی کی تقریب، شمعین روشن کی گئیں

میرا شہر
ملتان
26 دسمبر ، 2019
ملتان (سٹاف رپورٹر) پیپلزپارٹی کے جیالے شہید جمہوریت بے نظیر بھٹو کی 12 ویں برسی اس عزم کے ساتھ منائیں گے کہ ہم ہر مشکل وقت میں اپنے قائد بلاول بھٹو زرداری اور آصف علی زرداری کے ساتھ ہیں اور موجودہ نااہل حکمران ٹولہ کی طرف سے لگائے گئے جھوٹے و من گھڑت الزامات کو ہم مسترد کرتے ہوئے اس سلیکٹڈ حکمران ٹولہ کو یہ باور کرا دینا چاہتے ہیں کہ پیپلزپارٹی اس ملک کی واحد عوامی و وفاقی جماعت ہے جو جمہوریت کی بقا کی ضامن ہے اور ملک کے پسے ہوئے طبقات کے ساتھ کھڑی ہے اور ان پسے ہوئے ہوئے طبقات سے جو اس حکومت نے وعدے کئے تھے کہ بے روز گاری ختم کریں گے مہنگائی ختم کریں گے یہ سب وعدے پورے ہونے کے بجائے عوام پر آئے روز مہنگائی بم گرا کر ان کے منہ سے روٹی کا نوالہ تک چھینا جا رہا ہے ، ان خیالات کا اظہار ملتان کے ڈویژنل صدر خالد حنیف لودھی ، سیکرٹری انفارمیشن ایم سلیم راجہ ، ملک عمران جاوید سمرا ،اکبر عاربی ، رئیس الدین قریشی ، اللہ بخش بھٹہ ، سلیم شہزاد ،سلطان خان ،سلیم قریشی و دیگر نے شہیدجمہوریت بے نظیر بھٹو کی برسی پر کینڈل لائٹس تقریب سے خطاب کرتے ہوئے کیا ،اس موقع پر شمعین روشن کی گئیں ،تقریب میں شبیرقریشی ، عابد عمر بھٹی ، ممتازنعیم ،کامریڈ اسحاق ، قربان حسین ، محمداختر ،ریاض حسین ،شہید رزاق جھرنا کی بہنیں جمیلہ اختر ،فرزانہ تسلیم اور بہنوئی محمد اختر بھی موجود تھے ۔
تازہ ترین