کراچی(اسٹاف رپورٹر) پاکستان ہاکی فیڈریشن نے اذلان شاہ ہاکی ٹورنامنٹ کے لئے قومی سینئر ہاکی ٹیم کے کوچنگ اسٹاف کا تاحال اعلان نہیں کیا ہے،ہیڈ کوچ خواجہ جنید کے معاون کی تلاش شروع کردی گئی ہے۔ابتدائی طور پر ناراض منیجر حنیف خان کو ہیڈ کوچ اور منیجر کی ذمے داری دی تھی، بعد میں خواجہ جنید کو کوچ مقرر کیا گیا اور ان کو ہیڈ کوچ بھی بنادیا گیا، اس مرحلے پر احمد عالم کو گول کیپنگ اور اجمل لودھی کو کوچ بنانے کی تجویز دی گئی مگر اس پر صورت حال واضح نہ ہوسکی اب حنیف خان کے استعفے کے بعد پی ایچ ایف نے خواجہ جنید کے ساتھ سابق ہاکی اولمپئن محمد سرور کو معاون کوچ کی ذمے داری دینے پر غور شروع کردیا ہے تاہم اس دوڑ میں لالہ رفیق کا نام بھی لیا جارہا ہے۔ ان دونوں کے علاوہ کامران اشرف نے کیمپ میں کوچز کے فرائض انجام دئیے ہیں۔
فرمان الہی
نماز کے اوقات
