فرمان الہی
نماز کے اوقات
پاکستان کے محمد حمزہ خان نے برٹش جونیئر اوپن اسکواش چیمپئن شپ میں انڈر 15 کا ٹائٹل جیت لیا۔ یہ برٹش جونیئر اوپن اسکواش چیمپئن شپ میں8 سال بعد پاکستان کا پہلا ٹائٹل ہے۔
برمنگھم میں منعقدہ ایونٹ میں حمزہ خان نے انگلینڈ کے یوسف شیخ کو فائنل میں شکست دے کر ٹائٹل اپنے نام کیا۔
برمنگھم میں کھیلی جانے والی چیمپئن شپ میں حمزہ خان نے انڈر-15 کے فائنل میں انگلینڈ کے یوسف شیخ کو گیارہ۔چار، گیارہ۔تین اور گیارہ۔سات سے شکست دی۔
پشاور سے تعلق رکھنے والے پاکستان انڈر 15 پلیئر حمزہ خان نے برطانوی حریف کیخلاف پہلا گیم 6 منٹ جبکہ اگلے دو گیمز 5، 5 منٹ میں جیت کر 2012 کے بعد پہلی مرتبہ پاکستان کو برٹش اوپن میں ٹائٹل جتوایا۔
کامیابی بعد گفتگو میں حمزہ خان نے کہا کہ وہ یہ اعزاز حاصل کرکے خوش ہیں، اب اگلے سال وہ انڈر 17 میں مقابلہ کریں گے اور کوشش کریں گے کہ دوبارہ پاکستان کے لیے اعزاز جیتیں۔
