فرمان الہی
نماز کے اوقات
اسلام آباد (شاہد نعیم، نمائندہ جنگ،خبر ایجنسیاں)وزیر خارجہ شاہ محمود قریشی نے کہاہےکہ کشیدگی کی بھڑکتی آگ کو نہ بجھایا توپورا خطہ لپیٹ میں آجائیگا، جنگ کسی کے مفاد میں نہیں،علاقائی سلامتی کیلئے سفارتی کوشش بروئے کار لانے کیلئے پر عزم ہیں، شاہ محمود قریشی نے ایران میں صدر روحانی و دیگر حکام اورسعودی عرب میں وزیر خارجہ شہزادہ فیصل سے ملاقاتیں کی جس میں خطے سمیت دو طرفہ تعلقات پر بھی تبادلہ خیال کیاگیا۔ تفصیلات کےمطابق وزیر خارجہ شاہ محمود قریشی کی سعودی عرب کے دارالحکومت ریاض میں سعودی دفترخارجہ آمداور سعودی وزیر خارجہ شہزادہ فیصل بن فرحان السعود سے ملاقات ، اس موقع پر وزیر خارجہ شاہ محمود قریشی کا پرتپاک استقبال کیا گیا،وزیر خارجہ شاہ محمود قریشی کی سعودی ہم منصب شہزادہ فیصل بن فرحان السعود سے ملاقات کےدوران مشرق وسطیٰ میں پائی جانے والی کشیدگی اور خطے میں امن و امان کی صورتحال سمیت باہمی دلچسپی کے اہم علاقائی و عالمی امور پر تفصیلی تبادلہ خیال کیا گیا۔
