ماہر شیفس نے ساڑھے چھ کلو میٹر لمبا کیک تیار کرلیا

یوں تو آپ نے کئی شیفس کے تیار کردہ منفرد کیک دیکھے ہوں گے لیکن جناب بھارت کے ماہر شیفس کے تو کیا ہی کہنے کہ جنہوں نے کئی کلومیٹر لمبا دیوہیکل کیک تیار کرلیا ہے۔

جی ہاں، بھارتی ریاست کیرالہ میں پندرہ سو ماہر شیفس نے ہزاروں انڈوں، بارہ ہزار کلو گرام چینی، میدے، دودھ اور پچاس کلو کریم کا استعمال کر کے 6.5 کلو میٹر لمبا کیک تیار کیا۔

جبکہ اس دیوہیکل کیک کی تیاری میں شیفس کو تقریباََ چار گھنٹے لگے۔ جی ہاں صرف چارگھنٹے!

منفرد نوعیت کے اس ایونٹ میں لوگوں کی بڑی تعداد نے شرکت کی اور مزیدار کیک مفت میں کھا کراس ایونٹ کو خوب انجوائے کیا۔