آپ آف لائن ہیں
منگل11؍صفر المظفّر 1442ھ 29؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بینظیر انکم سپورٹ پروگرام کی چیئرپرسن کی ملیر میں کھلی کچہری

وزیر اعظم عمران خان کے احساس پروگرام کی چیئرپرسن ڈاکٹر ثانیہ نشتر کا کہنا ہے کہ بینظیر انکم سپورٹ پروگرام (بی آئی ایس پی) کی بے ضابطگیوں میں ملوث افراد کے خلاف کارروائی جلد عمل میں لائی جائے گی۔

کراچی کے علاقے ملیر میں احساس پروگرام کی چیئرپرسن ڈاکٹر ثانیہ نشتر نے ایک کھلی کچہری لگائی جس میں ان کا کہنا تھا کہ بینظیر انکم سپورٹ پروگرام کے وظیفے میں بھی اضافہ کردیا ہے۔

احساس پروگرام کی چیئرمین ثانیہ نشتر نے کھلی کچہری میں خواتین کے مسائل پر بات کی، ان کا کہنا تھا کہ وظیفے کی رقم 5 ہزار سے بڑھاکر 6 ہزار روپے کردی گئی ہے، جو قسط وار ملے گی جبکہ خواتین کے بینک اکاؤنٹس بھی بنائے جائیں گے۔

ثانیہ نشتر نے کہا کہ کرپشن کے خلاف اب خاص کریک ڈاؤن ہوگا، بینظیر انکم سپورٹ پروگرام میں ایک لاکھ 40 ہزار افراد بنیفشری تھے، بے ضابطگیوں میں ملوث تمام افراد کے خلاف ایکشن لیا جائے گا۔

واضح رہے کہ کھلی کچہری میں بینظیر انکم سپورٹ پروگرام سندھ کے ڈی جی رحیم شاہ اور کراچی ڈویژن کے ڈائریکٹر ریاض الحسن بھی شریک ہوئے۔

قومی خبریں سے مزید