فرمان الہی
نماز کے اوقات
میلبورن (جنگ نیوز) عالمی نمبر ایک ٹینس اسٹار رافیل نڈال نے سال کے پہلے گرینڈ سلم میں اپنی مہم شاندار انداز میں شروع کیا، انہوں نے پہلے رائونڈ میں بولیویا کے ہیوگو ڈیلیئن کو آسانی سے ڈھیر کرتے ہوئے دوسرے مرحلے میں جگہ بنالی۔ آسٹریلیا کے نک کریگوئس نے پہلے رائونڈ میں کامیابی کے ساتھ آسٹریلین اوپن ٹینس میںٗ ملکی شائقین کے دل جیت لیے۔ انہوں نے اٹلی کے غیرمعروف کھلاڑی لورینزو سونیگو کو تین سیٹس کے مقابلے میں زیر کرلیا۔ پہلے رائونڈ کے ایک اور میچ میں روس کے میدویدیف نے امریکی حریف ٹیافو کو شکست دی۔ جرمن آندرے زیوریف نے اطالوی کھلاڑی مارکو سیچنٹو پر ہاتھ صاف کیا۔ بیلجیم کے ڈیوڈ گون نے جمی چارڈی اور فرانس کے بنوئٹ پائر نے سخت مقابلے کے بعد جرمن حریف کیڈریک مارشل اور آسٹریلوی مارک پولمینز نے قازقستان کے میخائل کیوکیوشکن ہرا کر دوسرے راؤنڈ تک رسائی حاصل کرلی۔ خواتین سنگلز میں جمہوریہ چیک کی عالمی نمبر دو کیرولینا پلسکوا نے فرانس کی کرسٹینا ملاڈینوویک کو اسٹریٹ سیٹس میں ہراکر فاتحانہ آغاز کیا۔ سوئس اسٹار بلینڈا بنسک نے سلواکیہ کی اینا کرولینا، امریکا کی میڈیسن کیز نے روسی حریف ڈاریا کاستاکینا اور یوکرائن کی ایلینا سویٹلینا نے برطانیہ کی کیٹی بولٹر کو ہرا کر ایونٹ سے باہر کردیا۔
