آپ آف لائن ہیں
جنگ ای پیپر
پیر22؍ جمادی الثانی 1441ھ 17؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

وزیراعظم بڑا یوٹرن لیں اور چلے جائیں، کائرہ

پیپلز پارٹی وسطی پنجاب کے صدر قمر زمان کائرہ نے کہا ہے کہ لوگوں کو روٹی نہیں ملے گی تو وہ گریبان تک پہنچ جائیں گے، وزیراعظم عمران خان بڑا یوٹرن لیں اور چلے جائیں تاکہ لوگوں کی زندگیوں میں آسانیاں آ سکیں۔

پیپلز پارٹی کے سیکرٹری اطلاعات حسن مرتضیٰ کے بھوک ہڑتالی کیمپ کے باہر میڈیا سے گفتگو میں قمر زمان کائرہ کا کہنا تھا کہ عوام کی آواز پر بھوک ہڑتال کریں گے اسے پاکستان کے شہروں اور گلیوں تک لے کر جائیں گے۔

انہوں نے کہا کہ وزیر اعظم کے مشیر عشرت حسین کہہ رہےہیں کہ گڈ گورننس کا برا حال ہے، کسی ادارے میں سفارش کے بغیر کام نہیں ہو رہا ہے، اگر مزدور کی دیہاڑی نہیں لگے گی تو وہ جرم یا خود کشی ہی کرے گا۔

ان کا کہنا تھا کہ اب حکومت سے جان چھڑوا کر دم لیں گے، آٹے اور چینی بحران پر تحقیقات ہونی چاہیے، گندم کی ایکسپورٹ پر 10 ارب روپے کا چونا لگا مزید لگے گا۔

پیپلز پارٹی کے رہنما نے کہا کہ اپنے گھر میں آگ لگنے والی ہے، پنجاب اور وزرا پر پیسے کھانے کے الزامات ہیں، اپنی باری پر نیب قوانین میں ترمیم کررہے ہیں، عدالت نے بھی نیب قوانین ختم کرنے پر تحفظات کا اظہار کیا ہے۔

قمر زمان کائرہ نے مزید کہا کہ جب تک طرز حکمرانی نہیں بدلے گا پنجاب میں تبدیلی نہیں آئے گی۔

قومی خبریں سے مزید