بالی وڈ کے سپر اسٹار شاہ رخ خان کی کزن پشاور میں انتقال کرگئیں

بھارتی فلم انڈسٹری کے سپر اسٹار شاہ رخ خان کی پشاور میں رہائش پذیر کزن نورجہاں عرف منی انتقال کر گئیں۔

نورِ جہاں کینسر کے مرض میں مبتلا تھیں اور طویل عرصے سے علییل تھیں۔

خاندانی ذرائع کا کہنا ہے کی نماز جنازہ آج رات بارہ بجے شاہ ولی قتال قصہ خوانی بازار پشاور میں ادا کی جائے گی۔

مرحومہ نورِ جہاں غلام محمد گاما مرحوم کی صاحبزادہ تھیں۔

نورِ جہاں کا سیاست سے بھی تعلق رہا ہے اور وہ عوامی نیشنل پارٹی (اے این پی) کی دیرینہ کارکن تھیں۔

علاوہ ازیں وہ اندر شہر یونین کونسل کی کونسلر بھی رہ چکی تھیں۔