میرا کی تکذیب نکاح اپیل پر سماعت ملتوی

لاہور کی سیشن کورٹ میں اداکارہ میرا کی تکذیب نکاح کی اپیل پر سماعت 4 فروری تک ملتوی کردی گئی۔

ایڈیشنل سیشن جج شہزاد ہمدانی کی عدالت میں میرا کے وکیل نے اپنے دلائل مکمل کرلیے، فلمسٹار میرا نے سول کورٹ کے فیصلے کے خلاف اپیل دائر کر رکھی ہے کہ فیملی عدالت کے فیصلے کو کالعدم قرار دیا جائے۔

درخواست میں موقف اپنایاگیا ہے کہ میں نے عتیق الرحمان سے نکاح نہیں کیا، اس نے عدالت کو گمراہ کیا ہے۔

میرا نے درخواست میں عدالت سے استدعا کی ہے کہ فیملی عدالت کے فیصلے کو کالعدم قرار دیا جائے۔