دبئی: کورونا وائرس سے متاثرہ خاندان کو 14 روز بعد ڈسچارج کیا جائیگا

دبئ کے ایک اسپتال میں زیرعلاج کورونا وائرس سے متاثرہ چار افراد پر مشتمل چینی خاندان کو 14 روز بعد ڈسچارج کردیا جائے گا۔

وزارت صحت کے ایک اہل کار نے بتایا کہ فیملی کی حالت اب اچھی ہے اور انہیں تمام طبی سہولیات فراہم کی جا رہی ہیں۔

اہل کار نے بتایا کہ صحت یاب ہونے کے بعد اب یہ فیصلہ اس خاندان کو کرنا ہے کہ وہ متحدہ عرب امارات میں رہنا چاہتا ہے یا چین جانا چاہتا ہے۔

ووہان سے یو اے ای آنے والے اس خاندان میں چند روز قبل کورونا وائرس کی تصدیق ہوئی تھی۔

واضح رہے کہ کورونا وائرس سے چین میں اب تک ہلاکتوں کی کل تعداد 213 ہوگئی جبکہ متاثرہ افراد کی تعداد 10 ہزار تک جاپہنچی ہے۔