فرمان الہی
نماز کے اوقات
اسلام آباد(صباح نیوز) سینیٹ کی قائمہ کمیٹی برائے داخلہ اور مسلم لیگ ن کے صدر شہباز شریف نے اسحاق ڈار کے گھر پر قبضے کی مذمت کی ہے، کمیٹی ارکان نے متفقہ طور پرسابق وزیرخزانہ اسحاق ڈار کے گھر کوپناہ گاہ بنانے کی مذمت کرتے ہوئے ہدایت کی کہ ذمہ داروں کے خلاف کارروائی کی جائے۔کمیٹی نے احسان اللہ احسان کے فرار کے حوالے سے وزارت داخلہ اور متعلقہ اداروں سے تین دن کے اندر رپورٹ طلب کرلی آئندہ اجلاس میں کمیٹی کوان کیمرہ بریفنگ دی جائے، پیر کوسینیٹ کی قائمہ کمیٹی برائے داخلہ کااجلاس چیئرمین رحمن ملک کی سربراہی میں پارلیمنٹ ہائوس میں ہوا۔سینیٹ کی قائمہ کمیٹی برائے داخلہ نے چین میں کرونا وائرس کے باعث پیدا ہونے والی صورتحال پر یکجہتی کو اظہار کرتے ہوئے کہا کہ پاکستانی قوم مشکل کی اس گھڑی میں چین کے ساتھ کھڑی ہے اور اُمید ہے کہ چین جلد ہی اس وبا پر قابو پالے گا۔
