کراچی (جنگ نیوز)پاکستان کے سابق وزرائے اعظم یوسف رضا گیلانی اور راجہ پرویز اشرف (ڈمی) ہفتے کو ”جیونیوز“ کے پروگرام ”خبرناک“ میں اپنی اپنی کارکردگی منفرد انداز میں پیش کریں گے۔ شو میں راجہ صاحب کرپشن کے خلاف لیکچر بھی دیں گے جبکہ یوسف رضا گیلانی اپنی شادی کا احوال بھی بیان کریں گے۔ اس کے علاوہ جن دِیگر موضوعات کو پروگرام کا حصہ بنایا گیا ہے اُن میں ”مسافر خانہ بنا شادی ہال، دیوارِ مہربانی اور صاحب ثروت کے گندے ذہن، دیوانگی چوہدری کالو کو لے آئی ”خبرناک “تک، قادری صاحب کی ناک تلے وارداتیں، قادری صاحب بنے اسٹیشن ماسٹر، انقلاب کی ٹرین کہاں رکی اور پلیٹ فارم پر دھرنا“ شامل ہیں۔ عوام کا پسندیدہ اور طنز و مزاح کا شاہکار یہ دلچسپ پروگرام ناظرین میر محمد علی کی میزبانی میں رات11 بجکر5 منٹ پر دیکھ سکیں گے۔
فرمان الہی
نماز کے اوقات
