آپ آف لائن ہیں
پیر12؍شعبان المعظم 1441ھ 6؍اپریل 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

لڑکے نے چھلانگیں لگا کر زمین ہلا ڈالی

لڑکے نے چھلانگیں لگا کر زمین ہلا ڈالی


روس کے شہر ماسکو سے تعلق رکھنے والے نوجوان ڈینس کسلیٹسن کو اس وقت خوف سے نبرد آزما ہونا پڑا جب انہوں نے زمین کو ہلتے ہوئے محسوس کیا۔

کچھ دیر بعد اسے یہ احساس ہوا کہ زمین قدرتی طور پر نہیں ہل رہی بلکہ اس کی وجہ اُس کا زمین کے مخصوص حصے پر کھڑے ہونا ہے۔

اس تمام تر صورتحال کو مد نظر رکھتے ہوئے ڈینس کسلیٹسن نے اس جگہ پر تیزی سے اچھلنا شروع کردیا جس کے باعث زمین اور مزید تیزی کے ساتھ ہلنا شروع ہوئی۔

یہ ویڈیو سوشل میڈیا پر وائرل ہوئی، تاہم اس ویڈیو کو شیئرکرنے والے نے زمین کے اس طرح ہلنے کی وجہ بھی بتادی۔

درحقیقت 21 سالہ کنسٹرکشن ورکر ڈینس ایسی جگہ پر اچھل کود کر رہے ہیں جو پہلے سے ہی جھاڑیوں اور کائی کی وجہ سے کچھ حد تک ٹھوس ہوچکی ہے جس پر ایک شخص کھڑا ہو سکے یا چل سکے۔

ویڈیو میں دیکھا جاسکتا ہے کہ نوجوان اس پر بہت جوش کے ساتھ اچھل رہا ہے جبکہ وہ اس زمین کے ہلنے سے محظوظ بھی ہورہا ہے اور ایسا لگ رہا ہے کہ اس شخص کو اس کی گہرائی کا بخوبی اندازہ ہے۔

اس شخص کا کہنا تھا کہ ’یہ دلدلی علاقہ ہے، لیکن پھر بھی آپ اس پر چل سکتے ہیں کیونکہ اس میں گھاس اُگ چکی ہے۔‘

دلچسپ و عجیب سے مزید