• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیب سکھر نے خورشیدشاہ کے مرحوم بھائی کو طلب کرلیا

آج کا اخبار
اہم خبریں
02 مارچ ، 2020
سکھر(بیورورپورٹ) نیب سکھر نے پیپلز پارٹی کے مرکزی رہنماء سید احمد خورشید شاہ کرپشن کیس میں مرحومین کو بلانا شروع کر دیا، نیب سکھر نے خورشید شاہ کے مرحوم بھائی علی نواز شاہ کو تین مارچ کو طلب کرلیا ہے۔ ذرائع کے مطابق خورشید شاہ سے تحقیقات کے لیے چیئرمین نیب کے احکامات پر بننے والی جے آئی ٹی کے سامنے پیش ہونے کا کال اپ لیٹر علی نواز شاہ کے لئے جاری کردیا، خورشید شاہ کے بڑے بھائی علی نواز شاہ آٹھ سال قبل انتقال کرچکے ہیں۔ علی نواز شاہ کو شاہ اسپننگ ملز لمٹیڈ کے متعلق تحقیقات کے لیے طلب کیا گیا ہے، نیب سکھر اس سے قبل بھی مرحوم عبدالفتح انڈھڑ کو بھی طلب کرچکی ہے میاں عبدالفتح انڈھڑ بھی سات سال قبل انتقال کرچکے ہیں، خورشید شاہ پر ایک ارب تیس کروڑ روپے کا ریفرنس دائر ہے،خورشید شاہ جیل کسٹڈی میں این آئی سی وی ڈی میں زیر علاج ہیں۔
تازہ ترین