فرمان الہی
نماز کے اوقات
لاہور(نمائندہ خصوصی) پشاور زلمی نے ڈیرن سیمی سے ٹیم انتظامیہ کے اختلافات کی تردید کی ہے۔ڈیرن سیمی کا بھی کہنا ہے کہ اختلافات کی خبروں میں کوئی صداقت نہیں ہے۔ ڈیرن سیمی نے کہا ہے کہ پشاور زلمی ان کا ʼبے بیʼ ہے اور کوئی چیز ان کے درمیان نہیں آسکتی۔ ڈیرن سیمی نے پیرکے میچ کا کوئی حوالہ دیے بغیر ٹوئٹر پر اپنے پیغام میں کہا ہے کہ میں سمجھ چکا ہوں کہ آپ اپنا کام مکمل کرنے تک ہی اہم ہیں۔ اس کے بعد ڈیرن سیمی کراچی کنگز کے خلاف میچ بھی نہیں کھیلے تاہم وہ ٹانگ پر پٹی کیے ڈگ آؤٹ میں ٹیم کے ساتھ موجود رہے۔ سیمی کی ٹوئٹ کے بعد سوشل میڈیا پر ان کے اپنی فرنچائز کے اختلافات کی چہ مگوئیوں شروع ہو گئیں ۔ سیمی نے اب ایک نئی ٹوئٹ میں کہا ہے کہ مجھے یقین نہیں آرہا ہے کہ میڈیا یہ سوچے گا کہ میرے اور میرے بھائی جاوید آفریدی کے درمیان کوئی مسئلہ ہوگا۔ میں درحقیقت اس پر ہنس رہا ہوں۔ سن لیں کہ مجھے اس شخص سے بالکل اپنے بھائی کی طرح محبت ہے۔ پشاور زلمی میرا ʼبے بی ہے اور ہمارے درمیان کوئی چیز حائل نہیں ہوتی۔ پشاور زلمی کا کہنا ہے کہ ڈیرن سیمی، ہاشم آملا اور جاوید آفریدی بد ھ کو وزیر اعظم عمران خان سے ملاقات کریں گے۔
