فرمان الہی
نماز کے اوقات
سعودی عرب نے مکہ مکرمہ کی مسجد الحرام اور مدینہ منورہ کی مسجد نبوی رات میں بند رکھنے کا اعلان کردیا۔
سعودی حکومت کا کہنا ہے کہ مسجد الحرام اور مسجد نبوی نماز عشاء کے ایک گھنٹے بعد بند کردی جائیں گی۔
حکام کا کہنا ہے کہ دونوں مساجد نمازِ فجر سے ایک گھنٹے قبل کھولی جائیں گی۔
واضح رہے کہ کورونا وائرس کے پیشِ نظر سعودی شہریوں پر عمرہ کرنے پر لگائی گئی پابندی کے بعد تازہ ترین خبر یہ ہے کہ عمرہ زائرین کو بالائی منزلوں پر منتقل کرکے مطاف خالی کروالیا گیا ہے۔
مکہ مکرمہ میں حرم کے صحن میں طواف رُک گیا تاہم بالائی منزلوں پر طواف جاری ہے۔
حرمین شریفین پریزیڈنسی کے مطابق 1979 میں حرم شریف پر قبضے کے بعد یہ پہلا موقع ہے کہ طواف کا عمل روکا گیا ہے۔
واضح رہے سعودی وزارت داخلہ نے گزشتہ روز اپنے شہریوں اور مملکت میں مقیم غیر ملکیوں کے بھی عمرہ ادا کرنے اور روضہ رسول ﷺ کی زیارت پر پابندی عائد کردی تھی۔
