• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سٹی پولیس آفیسر ملتان کا تھانہ مخدوم رشید کا دورہ

میرا شہر
ملتان
07 مارچ ، 2020
ملتان( سٹاف رپورٹر) سٹی پولیس آفیسر ملتان محمد زبیر دریشک نے تھانہ مخدوم رشید کا سرپرائز وزٹ کیا۔ ایس ڈی پی او مخدوم رشید نصراللہ وڑائچ ان کے ہمراہ تھے۔سی پی او ملتان نے پولیس سٹیشن کا ریکارڈ ملاحظہ کیا۔ حوالات، تھانہ کی سیکیورٹی اور تھانہ سے متعلق دیگر امور کا جائزہ لیا۔ انہوں نے فرنٹ ڈیسک پر ہونے والے اندراج کو چیک کیا، اس حوالے سے مناسب ہدایات دیں۔ انہوں نے ہدایت کی کہ تھانہ میں آنے والے شہریوں کے ساتھ حسن سلوک اور عزت سے پیش آئیں اور ان کے مسائل میرٹ پر حل کریں۔ سی پی او ملتان نے حوالات میں موجود قیدیوں سے ملے اور ایس ایچ او تھانہ کو ہدایت کی کہ حوالات میں موجود قیدیوں کو بروقت کھانے کیساتھ ان کی دیگر سہولیات کا خیال رکھا جائے۔انہوں نے حوالات اور تھانہ میں نصب کیمروں کو درست حالت میں کام کرنے کا حکم دیا۔ پولیس اشتہاری ملزمان کو فوری گرفتار کریں اور رہائی یافتہ عادی مجرمان کے خلاف سخت کارروائی عمل میں لائیں۔ زیر تفتیش مقدمات کو بروقت میرٹ پر یکسو کرنے کی ہدایت کی۔ حوالات اور تھانہ کی سیکیورٹی کو یقینی بنایا جائے اور تھانہ کی عمارت کو نہایت صاف ستھرا رکھا جائے۔
تازہ ترین