فرمان الہی
نماز کے اوقات
پاکستان سپر لیگ (پی ایس ایل) فائیو میں آج 2 میچز کھیلے جائیں گے، پہلا مقابلہ پنڈی میں پشاور زلمی کا اسلام آباد یونائیٹڈ کا ہوگا جبکہ دوسرا میچ قلندرز اپنے ہوم گراؤنڈ پر کوئٹہ گلیڈی ایٹرز کے خلاف کھیلیں گے۔
پشاور زلمی کے کامران اکمل، وہاب ریاض اور حسن علی میچ سے قبل کافی پرجوش دکھائی دے رہے ہیں جبکہ دوسری جانب اسلام آباد یونائیٹڈ کی ٹیم میں کولن منرو ،لیوک رونکی ، شاداب خان، فہیم اشرف جیسے اسٹارز شامل ہیں۔
پوائنٹس ٹیبل پر پشاور زلمی تیسرے جبکہ اسلام آباد یونائیٹڈ دوسرے نمبر پر موجود ہے، دونوں ٹیموں کے درمیان میچ دن 2 بجے کھیلا جائے گا۔
دوسری جانب دن کا دوسرا میچ شام 7 بجے لاہور قلندرز اپنے ہوم گراونڈ قذافی اسٹیڈیم میں کوئٹہ گلیڈی ایٹر ز کے خلاف کھیلے گی۔
قلندر نے ٹورنامنٹ کی پہلی جیت کوئٹہ گلیڈی ایٹر کے خلاف ہی حاصل کر رکھی ہے جبکہ مسلسل 2 میچز ہارنے والی کوئٹہ گلیڈی ایٹرز آج کے میچ کو جیتنے کے لیے پرعزم ہیں۔
کوئٹہ گلیڈی ایٹر کے فاسٹ بولر نسیم شاہ انجری کا شکار ہیں ، پوائنٹس ٹیبل پر کوئٹہ پانچویں اور لاہور چھٹے نمبر پر موجود ہے۔
واضح رہے کہ پاکستان سپر لیگ کے تمام میچز جیوسوپر براہ راست نشر کیے جارہے ہیں۔
