فرمان الہی
نماز کے اوقات
ایران میں کورونا وائرس سے مزید21 افراد ہلاک ہوگئے ہیں جس کے بعد ملک میں ہلاکتوں کی تعداد 145ہوگئی۔
دنیا بھر میں کورونا سے ہلاکتوں کی تعداد تقریباً ساڑھے تین ہزار ہوگئی جبکہ ایک لاکھ سے زائد افراد کورونا کی وجہ سے بیمار ہیں۔
افغان صوبہ ہرات میں کورونا کے 4 کیسز کی تصدیق ہوئی ہے۔
چین میں کورونا وائرس سے مزید 28 افراد ہلاک ہو گئے جس کے بعد چین میں کورونا سے ہلاک افراد کی تعداد 3 ہزار 70 ہو گئی جبکہ 99 نئے کیسز بھی سامنے آئے ہیں۔
کورونا سے 97 ممالک میں 3495 افراد موت کے منہ میں جا چکے ہیں، جبکہ ایک لاکھ 2 ہزار سے زائد بیمار ہوئے ہیں، دنیا بھر میں 56 ہزار مریض اب تک صحت یاب ہو چکے ہیں۔
اٹلی میں کورونا وائرس سے مرنے والوں کی تعداد 197 ہو گئی، ایران میں 124، فرانس میں 9، اسپین میں 8، عراق میں 4، برطانیہ میں 2 اور نیدرلینڈز میں ایک شخص ہلاک ہوا ہے۔
امریکی ریاست فلوریڈا میں کورونا وائرس سے مزید 2 افراد ہلاک ہو گئے جس کے بعد امریکا میں کورونا وائرس سے اموات کی تعداد 17 ہو گئی۔
متحدہ عرب امارات میں 15 نئے کیسز رپورٹ ہوئے ہیں۔
سان فرانسسکو کے ساحل پر روکے گئے بحری جہاز گرانڈ پرنسس میں کورونا وائرس کے 21 کیسز کی تصدیق ہوئی ہے، جہاز پر سوار عملے کے 19 ارکان اور 2 مسافر کورونا سے متاثر ہیں۔
کورونا وائرس کا دنیا بھر میں پھیلاؤ جاری ہے، عالمی ادارۂ صحت کا کہنا ہے کہ وائرس کا پھیلاؤ شدید تشویش کا باعث ہے، تمام ممالک اس کے پھیلاؤ کو روکنے کو اپنی اولین ترجیح بنائیں۔
