شیخوپورہ(نمائندہ جنگ ) ونڈالہ دیال شاہ کے قریب تین ڈاکو مقامی ملز مزدور فاضل خاں سے گن پوائنٹ پر 28سو روپے اور موبائل فون چھین کر فرار ہوگئے، تحریک انصاف رہنما چوہدری منعم ضیاء سندھو کو جنڈیالہ روڈ پر ڈاکوؤں کے گروہ نے بے ہوش کرکے لوٹ لیا، ڈاکوؤں کا گروہ ان سے قیمتی گاڑی کے علاوہ 12ہزار روپے، موبائل فون اور اے ٹی ایم کارڈ چھین کر فرارہوگیا، تھانہ صدر کے علاقہ بھدرو مینارہ میں ڈاکوؤں نے عمران سے موٹر سائیکل اور نقدی و موبائل فون چھین لیا اور مزاحمت پر فائرنگ کرکے اس کے بھائی کو زخمی کرگئے، گاؤں جھبراں میں چوروں کا گروہ شوکت علی کے گھر سے لاکھوں روپے مالیت کے زیورات، کپڑے اور دیگر سامان لے اڑا، اے ڈویژن کے محلہ رحمان پورہ میں چور فاروق احمد کے گھر سے 50ہزار روپے نقدی اور موبائل فون لے گئے، گوجرانوالہ روڈ پر واقع ایک بیکری کے باہر سے شہری رحمان کی موٹر سائیکل چوری ہوگئی اور کمپنی باغ سے بھی دونوجوانوں نبیل اور عرفان کی موٹر سائیکلیں چورلے اڑے، نارنگ منڈی کے علاقہ سدھا نوالی کے قریب دو ڈاکوؤں نے سجاد احمد سے اس کی موٹر سائیکل اورنقدی چھین لی،پولیس مصروف تفتیش ہے۔
فرمان الہی
نماز کے اوقات
