سعودی عرب کی پی آئی اے کو لینڈنگ کی خصوصی اجازت

سعودی عرب نے پاکستان کی درخواست پر قومی ایئر لائن (پی آئی اے) کے طیاروں کو لینڈنگ کی اجازت دے دی۔

ذرائع کا کہنا ہے کہ خصوصی اجازت سعودی عرب سے پاکستانی عمرہ زائرین کو وطن واپس لانے کے لیے دی گئی ہے۔

سعودی عرب میں آج سے بین الاقوامی پروازوں پر پابندی

کورونا وائرس کے پھیلاؤ کو روکنے کے لیے سعودی عرب میں آج (اتوار) کو مقامی وقت کے مطابق 11 بجے دن کے بعد کسی بھی بین الاقوامی پرواز کو اترنے کی اجازت نہیں دی جائے گی

ذرائع کے مطابق پاکستان سے سعودی عرب جانے والے طیاروں میں عملے کے سوا کوئی فرد سفر نہیں کر سکے گا۔

ذرائع کے مطابق پی آئی اے کے طیاروں کو خصوصی اجازت صرف 72 گھنٹے کے لیے دی گئی۔

ذرائع بتاتے ہیں کہ خصوصی اجازت اعلیٰ سعودی شخصیات کی دلچسپی کے باعث ممکن ہوئی۔

یاد رہے کہ سعودی عرب نے آج سے تمام کمرشل پروازوں پر پابندی عائد کردی ہے۔