آپ آف لائن ہیں
ہفتہ8؍ صفر المظفّر 1442ھ 26؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودی کمپنیاں ملازمین کے معاہدے ختم کرسکتی ہیں، رپورٹ

سعودی عرب میں کورونا وائرس کی وبا پھیلنے کی صورت میں متاثر کمپنیاں اور ادارے اپنے ملازمین کی ملازمت کے معاہدے ختم کرسکتے ہیں۔ سعودی ٹی وی چینل کے پروگرام میں معروف وکیل احمد السلامہ نے کہا ہے کہ کورونا وائرس سے متاثر کمپنیاں اور ادارے اپنےکارکنان کی ملازمت کا معاہدہ ختم کرسکتے ہیں۔ کوئی بھی کمپنی یا کوئی بھی ادارہ زبردست مجبوری کے تحت ملازمت کے معاہدے ختم کرسکتا ہے۔ قانون محنت کے لائحہ عمل کی دفعہ 122میں زبردست مجبوری کی تشریح وباسے کی گئی ہے۔ اس کا مطلب یہ ہے کہ اگر ملک میں کوئی وبا پھیل جائے تو ایسی صورت میں کوئی بھی کمپنی یا کوئی بھی ادارہ اپنے ملازمین کے معاہدے ختم کرسکتا ہے۔