چین سےخصوصی طیارہ حفاظتی سامان لے کر پاکستان پہنچ گیا

عالمی وبا کورونا وائرس سے بچاؤ کے لیے چین کا ایک خصوصی کارگو طیارہ ماسک اور دیگر حفاظتی سامان لے کر پاکستان پہنچ گیا ہے۔

چین سے ماسک اور حفاظتی سامان لے کر آنے والا خصوصی کارگو طیارہ کراچی ایئرپورٹ پرلینڈ ہوا، اس موقع پر چینی سفارتخانے کی جانب سے کہا گیا ہے کہ چینی کمپنیاں کورونا وائرس کے خلاف جنگ میں پاکستان کے ساتھ ہیں، چین ہر مشکل وقت میں پاکستان کے ساتھ کھڑا ہے۔

ترجمان وزیراعلیٰ سندھ کے مطابق وزیراعلیٰ سندھ سید مراد علی شاہ نے چین سے آنے والے این 95 ماسک کی کھیپ وصول کی ہے، یہ ماسک چین نے پاکستان کو ڈونیٹ کیے ہیں۔

ترجمان وزیراعلیٰ سندھ کے مطابق وزیراعلیٰ سندھ مراد علی شاہ نے 50 لاکھ ماسک اور 10 ہزار ٹیسٹنگ کٹس وصول کیں ہیں ۔