• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایف آئی اے پنجاب زون کے 88 افسران و ملازمین کو 14 یوم کیلئے خود ساختہ قرنطینہ میں رہنے کا حکم

آج کا اخبار
ملک بھر سے
26 مارچ ، 2020
کراچی (اسد ابن حسن) ایف آئی اے پنجاب زون I نے اپنے88افسران اور دیگر ملازمین کو 14 یوم کے لیے خودساختہ گھروں میں قرنطینہ میں رہنے کا حکم نامہ جاری کردیا ہے۔ مذکورہ افسران وملازمین ہر صورت 14 یوم تک اس فیصلے پر عملدرآمد کرنے پر پابند ہونگے ان کو مشورہ دیا گیا ہے کہ وہ صفائی ستھرائی کا خاص خیال رکھتے ہوئے مذہبی مقامات اور سماجی فاصلہ (social distance) سے اجتناب کریں گے۔ تفتیشی افسران کو کچھ رعایت دی گئی ہے کہ وہ عدالتوں میں حاضر ہوسکتے ہیں اور تفتیش کے لیے وہ گھروں پر کام کریں گے اور 24گھنٹے فون پر رابطے میں رہیں گے اس حکم سے مستثنٰی ملازمین میں اگر مشکوک کرونا علامت ہوں تو وہ فوراً فون پر ہیڈ آفس رابطہ کرکے رخصت لے کر خودساختہ قرنطینیہ میں رہ سکتے ہیں۔
تازہ ترین