پنجاب کا این 95 ماسک بھجوانے پر سندھ حکومت کو شکریہ

وزیر اعلی پنجاب عثمان بزدار نے چین کی جانب سے حکومت سندھ کوعطیہ کئے جانے والے ایک لاکھ کے این 95 ماسک پنجاب حکومت کو بھجوانے پر سندھ کے وزیر اعلی کا شکریہ ادا کیا۔

وزیراعلیٰ پنجاب سردار عثمان بزدار نے این 95 ماسک کی وصولی کے بعدسندھ کے وزیر اعلی سید مراد علی شاہ کو ٹیلی فون کر کے شکریہ ادا کیا۔

وزیراعلیٰ پنجاب سردار عثمان بزدار کا کہنا تھا کہ پنجاب حکومت آپ کے اس اقدام کو تحسین کی نظر سے دیکھتی ہے، آزمائش کی اس گھڑی میں ہم سب کو ایک دوسرے کا ساتھ دینا ہے ۔

یہ بھی پڑھیے:کورونا وائرس کا مقابلہ: سندھ سب سے آگے

سندھ حکومت کا احسن اقدام، ماسک کی منصفانہ تقسیم

وزیراعلیٰ سندھ کے میشر اور سندھ حکومت کے ترجمان بیرسٹر مرتضیٰ وہاب نے کہا ہے کہ چین سے ملنے والے 5 لاکھ این 95 ماسک میں سے 2 لاکھ سندھ میں فراہم کئےجائیں گے۔

انہوں نے کہا کہ ہمارا اتحاد اور عزم اس موذی مرض کوشکست دے گا، عوام کے تعاون سے کوروناوائرس کے چیلنج سے کامیابی سے نمٹیں گے۔