فرمان الہی
نماز کے اوقات
کورونا وائرس کے خطرے کے پیش نظر سندھ کی جیلوں میں معمولی نوعیت کے قیدیوں کو رہا کرنے کا فیصلہ کرلیا گیا۔
وزیر اعلیٰ سندھ نے آئی جی جیل خانہ جات کی سمری بھی منظور کرلی ہے۔
اس حوالے سے مشیر جیل خانہ جات اعجاز جاکھرانی نے بتایا کہ جیلوں میں سزا یافتہ قیدیوں کو 4 مہینے کی عارضی رہائی دینے کا فیصلہ کیا گیا ہے۔
انہوں نے بتایا کہ معمولی نوعیت اور کم قید کے ایک ہزار قیدیوں کو فائدہ ہوگا۔
اعجاز جاکھرانی کا کہنا تھا کہ سمری کا اطلاق نیب کے کیس میں سزا یافتہ قیدیوں پر بھی ہوگا۔
ان کا کہنا تھا کہ فیصلے کا اطلاق سنگین نوعیت کے جرائم میں ملوث قیدیوں پر نہیں ہوگا۔
