• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیرِ اعظم آج ٹائیگر فورس کی رجسٹریشن کا آغاز کرینگے

تازہ ترین
قومی خبریں
31 مارچ ، 2020


ممکنہ لاک ڈاؤن کے پیشِ نظر کورونا ریلیف ٹائیگر فورس کی تشکیل کے لیے وزیرِ اعظم عمران خان آج شام نوجوانوں کی رجسٹریشن کا آغاز کریں گے۔

اس سلسلے میں وزارتِ یوتھ افیئرز نے ڈیٹا بیس سسٹم پر کام شروع کر دیا ہے، وزیرِ اعظم آفس میں کورونا ریلیف ٹائیگر فورس کا ٹیسٹ رن مکمل کر لیا گیا۔

ٹائیگر فورس جس طرح بنائی جا رہی ہے وہ افسوسناک ہے، عطاء تارڑ

مسلم لیگ نون کے رہنما عطاء تارڑ کا کہنا ہے کہ ٹائیگر فورس سے متعلق شفافیت کا ہونا ضروری ہے، یہ فورس جس طرح بنائی جا رہی ہے وہ افسوس ناک ہے۔

وزارت یوتھ افیئرز کا کہنا ہے کہ رجسٹریشن پورٹل وزیرِ اعظم عمران خان کی منظوری سے آج شام آن لائن دستیاب ہو گا، نوجوان سیٹیزن پورٹل پر خود کو رجسٹر کر سکیں گے، ٹائیگر فورس قومی سطح پر سیاسی وابستگی سے بالاتر ہو کر تشکیل دی جائے گی۔

وزارت نے بتایا ہے کہ رضا کاروں کی رجسٹریشن 10 اپریل تک جاری رہے گی، ٹائیگر فورس مکمل لاک ڈاؤن یا ہنگامی صورت میں کام کرے گی، نوجوانوں کو گھروں تک راشن سپلائی کرنے کی تربیت دی جائے گی۔

یہ بھی پڑھیئے: کورونا ریلیف ٹائیگر فورس کی تشکیل

وزارتِ یوتھ افیئرز نے بتایا کہ وزیرِ اعظم عمران خان نے نوجوانوں کو ہنگامی حالات میں مدد کے لیے تیار رکھنے کی ہدایت کی ہے، وزیرِ اعظم کا نوجوانوان پر اعتماد درست ثابت کریں گے۔

وزارت یوتھ افیئرز کا یہ بھی کہنا ہے کہ ڈاکٹرز، نرسز اور پیرا میڈیکل اسٹاف سمیت نوجوان بھی فرنٹ لائن فورس بنیں گے، امید ہے کہ نوجوان قومی فریضہ سمجھتے ہوئے اپنا بہترین کردار ادا کریں گے۔

تازہ ترین