فرمان الہی
نماز کے اوقات
وزیر اعظم عمران خان کے معاون خصوصی عثمان ڈار کا کہنا ہے کہ 48 گھنٹوں میں تقریباً تین لاکھ نوجوان ٹائیگر فورس کا حصہ بن چکے ہیں۔
معاون خصوصی عثمان ڈار نے وزیرِاعظم عمران خان سے ملاقات کی، جس میں ٹائیگرز فورس میں رضاکارانہ طور پر شمولیت سے متعلق پیشرفت سے آگاہ کیا۔
انہوں نے کہا کہ 48 گھنٹوں میں تقریباً 3 لاکھ نوجوان ٹائیگر فورس کا حصہ بن چکے ہیں، جبکہ کورونا ریلیف ٹائیگر فورس رجسٹریشن میں نوجوان گہری دلچسپی لے رہے ہیں۔
عثمان ڈار نے کہا کہ رجسٹریشن کا عمل 10اپریل تک جاری رہے گا۔
وزیرِاعظم نے ٹائیگر فورس میں نوجوانوں کی بھرپور شمولیت کے جذبے پر اظہار اطمینان کیا۔
عمران خان نے کہا کہ مشکل حالات میں نوجوانوں کا یہ جذبہ نہایت حوصلہ افزا ہے۔
وزیراعظم نے کہا کہ نوجوان اس ملک کا سب سے بڑا اثاثہ ہیں اور آزمائش کی ہر گھڑی میں نوجوانوں نے ہراوّل دستے کا کردار ادا کیا ہے۔
