عوام کو کورونا سے محفوظ رکھنا وزیرِاعظم کی پہلی ترجیح ہے: فردوس عاشق

وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ پاکستان کے عوام کو کورونا وائرس سے محفوظ رکھنا اور ان کے لیے ریلیف کی فراہمی وزیرِ اعظم عمران خان کی پہلی ترجیح ہے۔

خسرو بختیار نے استعفیٰ نہیں دیا، ان کی وزارت تبدیل ہوئی، فردوس اعوان

معاونین خصوصی ڈاکٹر ظفر مرزا، معیدیوسف اور چیئرمین این ڈی ایم اے کے ہمراہ میڈیا بریفنگ میں فردوس اعوان نے کہا کہ کابینہ میں ردوبدل وزیراعظم کی صوابدید ہے۔

سماجی رابطے کی ویب سائٹ ٹوئٹر پر اپنے بیان میں وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ آج کابینہ کے اجلاس میں ریلیف اقدامات کی نچلی سطح پر منتقلی کا جائزہ لیا جائے گا۔

انہوں نے کہا کہ عوام کی سہولتوں کی راہ میں حائل کوئی رکاوٹ برداشت نہیں کی جائے گی، صوبوں کے ساتھ تعاون و ہم آہنگی کے ساتھ آگے بڑھتے ہوئے مستحق افراد کے گھر گھر پہنچیں گے۔

یہ بھی پڑھیئے: ثابت ہوا پاکستان میں کوئی مقدس گائے نہیں، فردوس اعوان

وزیرِ اعظم کی معاونِ خصوصی نے مزید کہا ہے کہ صنعت کا پہیہ مرحلہ وار چلانے کے لیے نیشنل کوآرڈینیشن کمیٹی کی سفارشات بھی کابینہ کے سامنے رکھی جائیں گی۔

انہوں نے یہ بھی بتایا کہ وفاقی کابینہ کے اجلاس میں ریلیف کاوشوں کے لیے ٹائیگر فورس اور مخیر حضرات کے مؤثر کردار پر لائحہ عمل بھی ترتیب دیا جائے گا۔