آپ آف لائن ہیں
پیر 9؍ شوال المکرم 1441ھ یکم جون 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

وزیراعظم نےثابت کر دیاکہ قانون سے کوئی بالاترنہیں،فردوس عاشق اعوان

وزیراعظم عمران خان کی معاون خصوصی برائے اطلاعات و نشریات فردوس عاشق اعوان کا کہنا ہے کہ وزیراعظم عمران خان نے اپنے عمل سے ثابت کیا کہ قانون سے کوئی بالا ترنہیں۔

فردوس عاشق اعوان نے مائیکروبلاگنگ ویب سائٹ ٹوئٹر پر اپنے ایک بیان میں کہا ہے کہ وزیراعظم عمران خان نے آٹا چینی بحران کی رپورٹ پبلک کر کے ثابت کیا ہے کہ ان کی پاکستان میں قانون سے کوئی بالاترنہیں ہے،  عمران خان یاان کے خاندان میں کسی کی کوئی شوگرمل نہیں ہے ۔


فردوس عاشق اعوان کا کہنا ہے کہ رپورٹ پبلک کرنادلیل ہےکہ وزیراعظم کی ترجیح افرادنہیں پاکستان کے عوام کا مفاد ہے، عوام کے مفاد کے سامنے جوآئے گاعمران خان اس کے راستے کی دیواربنے گا۔

انہوں نے مزید کہا کہ اپوزیشن رپورٹ کوسیاسی رنگ دینے کی بجائے عمران خان کے جذبے کوسراہےجس نے تاریخ میں خوداحتسابی کی روشن مثال قائم کی۔

فردوس عاشق اعوان کا کہنا تھا کہ حکومت پروارکرنے کی بجائے اپوزیشن کواپنا حساب دیناپڑے گا، ان کی تاریخ مفادات کے ٹکراؤسے بھری ہے، قوم نہیں بھولی جب بیٹا باپ کو،تایابھتیجےکواورصدرانورمجیدکو سبسڈی دیتاتھا۔

فردوس عاشو اعوان نے ماضی کی حکموتوں سے متعلق بات کرتے ہوئے مزید کہا کہ 6 خاندان 50 فیصد سے زائد شوگر کنٹرول کرتے تھے، ماضی میں عوام کی بجائے مخصوص طبقہ فائدے اٹھاتا رہا ہے جبکہ نئے پاکستان میں اس کی ہرگز اجازت نہیں ہوگی۔

قومی خبریں سے مزید