• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت، آج کورونا کے 1533 نئے کیسز سامنے آگئے

تازہ ترین
بین الاقوامی خبریں
20 اپریل ، 2020
بھارت، آج کورونا کے 1533 نئے کیسز سامنے آگئے

بھارتی میڈیا کے مطابق بھارت میں آج کورونا وائرس کے سب سے زیادہ کیسز رپورٹ کیے گئے ہیں۔

میڈیا رپورٹ کے مطابق بھارت میں آج کورونا وائرس سے رپورٹ ہونے والے متاثرہ افرادکی تعداد 1533 ہے جبکہ بھارت میں 24 مارچ سے جاری لاک ڈاؤن آج ہی نرم کیا گیا تھا۔

کورونا سے دنیا بھر میں ایک لاکھ 65 ہزار سے زائد افراد ہلاک

دنیا بھر میں کورونا وائرس سے متاثرہ افراد کی تعداد 24 لاکھ 7 ہزار 339 ہو چکی ہے جبکہ اس سے ہلاکتیں 1 لاکھ 65 ہزار 69 ہو گئیں۔

مودی سرکار کی جانب سے لگائے گئے لاک ڈاؤن میں بھارت میں فضائی سروس، ریلوے، انٹر سٹی بسیں اور میٹروز بھی بند کر دی گئی تھیں جبکہ بھارت میں آج سے محدود صنعتی اور کاشتکاری سرگرمیوں کی اجازت دی گئی تھی۔

آج کے دن مریضوں کی زیادہ تعداد رپورٹ ہونے پر بھارتی حکام لاک ڈاؤن پالیسی پر نظر ثانی کر رہی ہے۔

کورونا سے بھارت میں 507، افغانستان میں 32 اموات

افغانستان میں کورونا وائرس سے 32 اور بھارت میں 507 اموات کی تصدیق کی گئی ہے۔

واضح رہے کہ بھارت میں کورونا وائرس سے متاثرین کی تعداد 17 ہزار سے بڑھ گئی ہے جبکہ مرنے والوں کی تعداد 543 ہے۔

تازہ ترین