ملتان(نمائندگان جنگ)وہاڑی،رحیم یار خان، لودھراں،لیہ اور جہانیاں میں حادثات میں 7افراد جاں بحق ہو گئے،لڈن روڈپر3 موٹر سائیکل ٹکراگئے ،پولیس گاڑی کی ٹکر سے قمر چل بسا،تونسہ میں سکول وین الٹنے سے 16بچے زخمی ہو گئے،وہاڑی میں لڈن روڈ اڈا 33ڈبلیوبی کے قریب تین موٹر سائیکل آپس میں ٹکرانے سے3افراد جاں بحق جبکہ ایک عورت، دو بچوں سمیت 6افراد شدیدزخمی ہو گئے، مرنے والوں میں محمد ریاض سکنہ 77ڈبلیوبی ، محمد محسن سکنہ لڈن اور ریاض احمدسکنہ چک سرکاری بہاولنگر شامل ہیںجبکہ زخمیوں میں عبدالشکور، روبینہ شاہین ، محمود احمد، شاہد محمود ،8سالہ محمود رضا، چارسالہ مہراں بی بی شامل ہیں،زخمیوں کو ڈی ایچ کیو ہسپتال منتقل کردیاگیا، پو لیس نے ضروری کا رروائی کے بعد لاشیں ورثاء کے حوالے کردیں ۔رحیم یارخان کے نواحی علاقے اڈا خانپور روڈ کا رہائشی محمداسد اور اسکی بیوی صفیہ موٹرسائیکل پرجارہے تھےکہ سامنے سے آنے والے تیز رفتار رکشہ سے ٹکرا گئے،حادثے میں صفیہ بی بی شدید زخمی ہوگئی جسے ہسپتال منتقل کیا گیا لیکن وہ دم توڑگئی ، محمداسد معجزانہ طور پر محفوظ رہا۔ لودھراںمیں حویلی نصیر خان چوک پر تیز رفتار ٹرک نےنامعلوم خاتون کوٹکر ماردی جس سے وہ موقع پر چل بسی، کچلے جانے کے باعث خاتون کی شناخت ممکن نہ رہی ،پولیس تھانہ سٹی نے ٹرک ڈرائیور گل شیر سکنہ خوشاب کو گرفتار کرکے ٹرک کو قبضہ میں لے لیا ، خاتون کی لاش ایک گھنٹہ سے زائد جائے حادثہ پر پڑی رہی ،بعد ازاں پولیس نے ہسپتال منتقل کردیا ، عینی شاہدین کے مطابق خاتون کے ہاتھ میں دوا کی شیشی تھی ، پولیس نے مقدمہ درج کرلیا ۔لیہ میں اڈہ 168کے رہائشی حاجی محمد قمر واندر اورعامر موٹر سائیکل پر جا رہے تھے کہ چک نمبر 150ٹی ڈی اے کے قریب پولیس کی گاڑی نے ٹکر مارد ی جس سے دو نوں زخمی ہو گئے ۔شدید زخمی قمر واندر کو نشتر ہسپتال ملتان منتقل کیا گیا جہاں زخموں کی تاب نہ لاتے ہوئے دم توڑ گیا ،حادثے میں محمد عامر کی ٹانگیں ٹوٹ گئیں ۔ محمد قمر واندر کی نماز جنازہ میں ایم این اے سید ثقلین شاہ بخاری ، سابق ایم پی اے چوہدری اصغر علی گجر سمیت سیاسی ، سماجی شخصیات کی بڑ ی تعداد نے شرکت کی۔ جہانیاں کے نواحی علاقہ دلو موڑ کے نزدیک دو موٹر سائیکل آپس میں ٹکرانے سے محمد رفیق نامی شخص جاں بحق جبکہ محمد شوکت اور ابرار احمد شدید زخمی ہوگئے، دوسرے حادثہ میں بائی پاس پل نہر کے نزدیک موٹر سائیکل سوار کراسنگ کر تے ہوئے گدھا ریڑھی سے ٹکرا گیا جس سے شبیر احمد اور اسکا بیٹا شدید زخمی ہو گئے،ایک اور حادثہ میں موٹر سائیکل سوار تیز رفتاری کے باعث گر کر زخمی ہو گیا زخمیوں کو تحصیل ہیڈ کوارٹر ہسپتال جہانیاں میں طبی امداد دی جارہی ہے ۔تونسہ شریف میں سکول وین موٹر سائیکل کو بچاتے ہوئے الٹ گئی جس سے 16بچے زخمی ہو گئے ، ریسکیو اہلکاروں نے بچوں کو ہسپتال پہنچایا، تمام زخمیوں کی عمریں 6سے 10سال کے درمیان ہے، زخمیوں میں محمد عثمان ،محمد عرفان گل ،محمد مدنی عطا ء اللہ محمد نسیم محمد عدنان ،لاریب بی بی ،محمد مزمل ،شہزاد ،حسن خان ،ریحان ،عدیلہ بی بی ،بختاور بی بی ،مصباح وغیرہ شامل ہیں ،تھانہ صدر پولیس نے ڈرائیور کے خلاف مقدمہ ورج کر لیا ۔ سکول وین کریم والا کی طرف جا رہی تھی۔
فرمان الہی
نماز کے اوقات
