فرمان الہی
نماز کے اوقات
ممبئی (مانیٹرنگ ڈیسک)معروف بھارتی اداکارہ سشمتا سین نے لائیو سیشن کے دوران سورۃ العصر کی تلاوت کی۔ حال ہی میں بولی وڈ اداکارہ سشمتا سین نے اپنے انسٹاگرام اکاؤنٹ پر بچوں کے ہمراہ لائیو سیشن کے دوران مسلمان مداحوں کی درخواست پر اپنی بیٹیوں کے ساتھ قرآن پاک کی سورۃ العصر کی تلاوت کی۔بعد ازاں سشمتا سین کی تلاوت کلام پاک کی ویڈیو سوشل میڈیا پر وائرل ہوگئی اور مداحوں کی جانب سے ان کی تعریفیں کی گئیں۔دوسری جانب لائیو سیشن کے دوران اداکارہ سے ملتان کے ایک مداح نے ان سے پاکستان آنے سے متعلق ایک سوال کیا۔اس کے جواب میں سشمتا سین نے کہا کہ امید ہے کہ بہت جلد پاکستان آؤں، میں 3 مرتبہ کراچی آچکی ہوں اور تینوں ہی مرتبہ مجھے یہاں سے بے حد محبت ملی۔واضح رہے کہ اس سے قبل بھی اداکارہ نے شارجہ میں ایک ایونٹ میں پریس کانفرنس کے دوران سورۃ العصر کی تلاوت کی تھی جسے مداحوں نے بے حد پسند کیا تھا۔
