• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہاکی کھلاڑی بھی ڈریم ٹیم بنانے میں مصروف

آج کا اخبار
اسپورٹس
04 مئی ، 2020
کراچی(اسٹاف رپورٹر) کر کٹ کے بعد ہاکی کے نامور کھلاڑی بھی اپنی ڈریم ہاکی ٹیم بنانے میں مصروف ہوگئے ہیں۔ ہیڈ کوچ خواجہ جنید نے 1984اولمپکس گیمز کی فاتح پاکستانی کپتان منظور جونیئر کے ساتھ اپنی ٹیم بنانے کی خواہش کا اظہار کیا۔ سابق کپتان گول کیپر سلمان اکبر نے عظیم ہاکی کھلاڑی حسن سردار کو اپنی پسندیدہ جوڑی میں شامل کرنے کی خواہش کا اظہار کیا۔ انہوں نے کہا کہ ہاکی کی تاریخ میں تیز ترین گول اسکور کرنے والے حسن سردار ان کے پسندیدہ کھلاڑی ہیں۔ 38سالہ سلمان اکبر نے کہا کہ بلاشبہ ان کی یہ خواہش خیالی ہے مگر یہ مداحوں کو قومی کھیل کی طرف متوجہ کرنے میں کامیاب رہے گی۔انہوں نے کہا کہ ہاکی کی تاریخ میں تیز ترین گول اسکور کرنے والے ماضی کے عظیم سنٹر فارورڈ ان کے پسندیدہ کھلاڑی ہیں اور وہ ان کے ساتھ میدان میں اترنے کی خواہش رکھتے ہیں۔سلمان اکبر نے کہا کہ وہ سابق کپتان کی میدان میں جارحانہ مزاجی سے بہت متاثر تھے، اپنے کیرئیر کے دوران میدان میں سب سے نمایاں رہنے والے کھلاڑی حسن سردار کی آف دی فیلڈ شخصیت سے بھی متاثر ہوئے بغیر نہیں رہ سکا۔
تازہ ترین