• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوم علیؓ کے جلوس پر پابندی سندھ ہائی کورٹ میں چیلنج

آج کا اخبار
شہر قائد/ شہر کی آواز
05 مئی ، 2020
کراچی (اسٹاف رپورٹر) یوم علیؓ کے جلوس پر پابندی سے متعلق محکمہ داخلہ کا نوٹیفکیشن سندھ ہائیکورٹ میں چیلنج کردیا گیا۔ عدالت نے درخواست کی فوری سماعت کی استدعا منظور کرلی۔ جسٹس محمد علی مظہر کی سربراہی میں دو رکنی بینچ منگل کو درخواست کی سماعت کریگا۔ پیر کو سندھ ہائی کورٹ میں یوم علی کے جلوس پر پابندی سے متعلق محکمہ داخلہ کا نوٹیفکیشن چیلنج کردیا گیا۔ نوٹیفکیشن کے خلاف درخواست گزار آغا علی حیدر کی جانب سے درخواست دائر کی گئی۔ درخواست گزار آغا علی حیدر محکمہ داخلہ نے 27اپریل کو نوٹیفکیشن کے ذریعے یوم علیؓ کے جلوسوں پر پابندی عائد کردی، مذہبی تقریبات کو روکنا خلاف قانون ہے، جس طرح مساجد میں عبادات کیلئے ایس او پیز بنائے گئے ہیں جلوسوں کیلئے بھی ایس او پی بنائے جائیں، حکومت جلوس سے متعلق ایس اوپیز طے کردے تو ہم فالو کریں گے، محکمہ داخلہ سندھ کا 27اپریل کا نوٹیفکیشن کالعدم قرار دیا جائے۔ 17،18 اور 21رمضان المبارک کو جلوس نکالنے کی اجازت دی جائے۔ عدالت نے درخواست کی فوری سماعت کی استدعا منظور کرلی۔ جسٹس محمد علی مظہر کی سربراہی میں دو رکنی بینچ منگل کو درخواست کی سماعت کرے گا۔
تازہ ترین