وزیر قانون پنجاب سے ریسٹورنٹ مالکان کی ملاقات

راولپنڈی ریسٹورنٹ ایسوسی ایشن کےوفد نے صوبائی وزیرقانون پنجاب راجا بشارت سے ملاقات کی ۔

وزیرقانون نے ریسٹورنٹ مالکان کو قواعد پرعمل کرکے ریسٹورنٹ کھولنے کا معاملہ حکام کےسامنے رکھنےکی یقین دہانی کروائی ۔

وزیر قانون پنجاب نے کہا کہ ریسٹورنٹ ملازمین کے کورونا ٹیسٹ سوشل سیکیورٹی اسپتال سے کروائیں گے۔

راجہ بشارت سے ملاقات کے وقت ریسٹورنٹ ایسوسی ایشن کےسرپرست شیخ عبدالوحید، صدر سائیں اعجاز ملک اور ایسوسی ایشن کے جنرل سیکرٹری شریک تھے ۔

ملاقات میں ریسٹورنٹ ملازمین کے کورونا ٹیسٹ ہر 15 دن بعد کروانے کی پابندی نرم کرنے کے معاملے پراتفاق کیا گیا ۔

وزیر قانون پنجاب نے کہا کہ پارسل سروس ملازمین اور گاہکوں سے ایس او پی پر عملدرآمد کو یقینی بنایا جائے۔